Belle Lucia është një nga modelet më të njohura me mbi 1 milion ndjekës në Instagram. 24-vjeçarja nga Australia ka deklaruar së fundmi se është në pritje të ëmbël dhe në muajin e 5 të shtatzënisë.
Mirëpo fakti që Belles nuk i duket fare barku i rrumbullakosur, ka bërë që fansat ta kritikojnë ashpër.
“Thjesht sepse nuk ndaj me ju gjithçka nuk do të thotë që jam e pashëndetshme. Është trupi im dhe s’kam ç’të bëj që nuk duket njësoj si femrat e tjera. Të ofendosh dikë për trupin nuk është gjë e mirë, pavarësisht nëse bëhet fjalë për një femër të shëndoshë apo për një femër elegante. Barku nuk më është fryrë akoma, por kjo nuk do të thotë që nuk jam shtatzënë”, u shpreh modelja në postimin e fundit.
