Ditët e Mios bënë bashkë në Korçë 20 piktorë nga e gjithë bota. Për ditë me radhë ata hodhën në telajo, ngjyrat dhe pesazhet e juglindjes në Vjeshtë.
Këto pejsazhe tregojnë Vjeshtën në Korçë.
Janë punimet e 20 artistëve pjesëmarrës në edicionin e 11 të Kolonisë Ndërkombëtare të artistëve figurativë ‘Ditët e Mios’.
Pamje nga qyteti apo fshatrat e njihur për historinë e bukuritë natyrore.
Peisazhet nga Korça dhe rrethinat e saj gjithmonë kanë shërbyer si frymëzim për mjeshtrat e telajos.
“Që ky qytet është kryeqyteti i kulturës shqiptare, jam i sigurt që të gjithë ju do të donit të ktheheshit përsëri”, tha një piktor.
Aktiviteti synon jo vetëm vendosjen e urave të komunikimit mes artistëve, por sidomos promovimin e vlerave të qytetit.
Gjithcka për të kujtuar e nderuar Vangjush Mion.
Sotiraq Filo, Kryetar Bashkia Korçë: Sot po përmbyllim këto 4 ditë eventi me këtë ekspozitë ku janë shfaqur një pjesë e punëve që piktorët kanë patur mundësi të pikturojnë gjatë këtyre ditëve.
Ekspozita u çel në ambjentet e Muzeut të Arsimit, “Mësonjtorja e Parë Shqipe” dhe do të qëndrojë e hapur për disa ditë. Kryebashkiaku Filo shpërndau edhe certifikata për artistët.