Pas rikthimit të saj në skenë, Elvana Gjata i është kthyer normalitetit në botën e saj virtuale.
Këngëtarja nisi me postimet nga koncerti për 11-vjetorin e Pavarësisë së Kosovës, ndërsa tashmë ndan edhe momente të përditshmërisë së saj.
Gjatë ditës së djeshme ajo tregoi se drekoi me miqtë e saj në Prishtinë, dizajnuesin Valdrin Sahiti dhe moderatorin Alaudin Hamiti.
Por një postim paraditen e sotme na bëri të gjithëve të dyshojmë sërish, për jetën e saj sentimentale.
Elvana publikoi në Insa Story fjalinë: “Sa shumë të paskam dashur”.
Dhe dyshimet tona janë dy!
E para lidhet me marrëdhënien e saj me Ervin Matën dhe hamendësimet se këngëtarja i ka dhënë fund romancës. Javën e kaluar u përfol se këngëtarja i kishte dhënë fund fejesës, por zërat u hodhën menjëherë poshtë pasi këngëtarja u shfaq sërish me unazën e fejesës. Ndoshta sot ky mesazh dashurie i drejtohet atij?!
Nga ana tjetër, Elvana pohoi pak ditë më parë se do të publikojë shumë shpejt projektin e saj më të ri. Dhe kjo fjali mund të jetë titulli i këngës ose një pjesë e tekstit të saj.
Për të mësuar të vërtetën do të na duhet të jemi edhe pak të duruar!
