Këtë muaj, aktorja Jonida Vokshi dhe aktori Besnik Krapi, do të kurorëzojnë në martesë dashurinë e tyre. Dyshja janë bashkë që prej vitesh por kanë ditur ta mbajnë larg syrit të publikut lidhjen e tyre.
Së fundmi, Jonida dhe Besniku kanë qenë në Kosovë dhe kanë ndjekur nga afër lojën emocionuese Kosovë-Çeki te ‘Fadil Vokrri’. Jonida ka ndarë me ndjekësit e saj një foto ku shihet pranë Besnikut dhe të dy kanë vendosur në kokë kapelë të Kosovës. “Mu çmend burri para dasmës’, ka shkruar me të qeshura aktorja, duke na bërë të kuptojmë se Besniku e ka ndjekur me shumë emocion lojën dhe është çmendur duke bërë tifo.
Kujtojmë se dasma është pothuajse në fund të përgatitjeve dhe do të mbahet në bregdet.
