“Ma zgjat dorën” është kënga që Eneda Tarifa konkurron në “Kënga Magjike”. Ajo u publikua pak kohë përpara që tërmeti shkatërrimtar të trondisti Shqipërinë. Por duket se kjo këngë tashmë i përshtatet kaq shumë situatës që ndodhemi aktualisht.
Në këtë video të shpërndarë edhe nga të tjerë në rrjetet socialer, shfaqet momenti ku moderatori Alaudin Hamiti u përlot kur një zonjë me kancer dhuroi 50 euro, momenti kur një i moshuar dhuroi 10 euro nga pensioni, momente kur gazetarët nuk i mbajtën dot lotët.
“Po, jemi bashkë, në të mirë e në të keq. Bashkë njësoj… Edhe ne fatkeqësi të pabesa natyrore. Sepse ne jemi 1. Do të bëj në Kënga Magjike atë që di te bëj më mirë, (jam apo jo dakort me zhvillimin e ketij eventi në këtë moment), DO ZGJAS DORËN drejt të gjithë atyre që kanë nevojë. I gjithë stafi dhe Ardit Gjebrea DO TË KËNDOJË PËR TË NDËRTUAR. Të afërmit e mi do të jenë atje duke kontribuar për ta, me blerjen e biletës. 4,5,7 Dhjetor në Pallat të Kongreseve. Do të ndërtojmë shtëpinë e familjes Caci në Thumanë që sot është e pabanueshme dhe duhet hedhur në tokë. Do këndojmë dhe jo më për garë, por për art dhe kontribut! Faleminderit të gjithë atyre që zgjasin dorën”, shkruan Eneda.
