Në festën e Shën Valentinit, më 14 shkurt, Capital T do të sjellë një projekt të ri për fansat i cili do të jetë mëse i përshtatshëm për këtë ditë.
“Je t’aime” do të titullohet kënga e cila jemi të bindur se është bërë si me porosi për këdo që ndjen flutura në stomak.
Në llogarinë e tij në Instagram, Kapo ndau një video ku tregonte një fragment të videoklipit të këngës së re, ndërsa shfaqet i ulur në një tavolinë dhe shkruan letra të pafundme dashurie.
“A ki mi thon najkujt “Je T’aime” ?- shkruan Capital T krahas videos që na bëri të gjithëve kuriozë për të dëgjuar këngën e re.
Gjithashtu, reperi ka bërë të ditur edhe orën e publikimit të projektit , e cila përkon me datën edhe muajin në të cilin do të lançohet, pra 14:02.
Mbetet të presim edhe dy ditë për këtë baladë që me siguri do të na godasë drejt e në zemër!
