Bebushja e Sarës dhe Ledrit po vonon dhe pak dhe atyre s’ju mbetet gjë tjetër veçse të presin.
Deri tani Sara ka ndarë disa foto nga salla e pritjes në spital, por surpriza është ende rrugës.
Mami Sara dhe babi Ledri po presin të entuziazmuar teksa na treguan pak ditë më parë se kanë bërë gati edhe shtratin e të voglës.
Ndërkohë bukuroshja shtatzënë i ka bërë edhe një super lojë reperit, duke i thënë se momenti i lindjes erdhi!
Videoja u bë virale dhe të gjitha e adhuruam reagimin e autorit tē hitit “MEM”.
Sakaq, mbrëmjen e djeshme ajo ka ndarë një foto në Instagram. Është një nga fotot e shkëputura nga i njëjti vend prej nga ky Ledri zyrtarizoi lidhjen e tyre.
“Nostalgjikë, sepse përveçse të presim s’na ka mbetur asgjë tjetër për të bërë.”-shkroi Sara!
Po ashtu, në Instastory publikoi edhe një video epike, e veshur me një fustan të bardhë të ngushtë. Në fakt shumë të ngushtë sepse mezi ecte.
“Jo nuk e kisha aspak të ngushtë fustanin!”- ka shkruar ajo me nota humori.
Risjellim në kujtesë se dyshja është shpërngulur në Gjermani, por nuk dihet nëse do jetojnë në shtetin gjerman apo do rikthehen në Kosovë.
Reperi ka ndarë shpesh foto nga bisedat me kamër që bën me familjarët dhe miqtë e tij, duke treguar qartazi se i mungojnë njëri-tjetrit.
Pas publikimit të “Si baba”, Ledri nuk ka sjellë asnjë këngë tjetër dhe nuk dihet se kur do rikthehet me projekte të reja.
