Lei Kraja është një nga gazetaret më simpatike të sportit dhe së fundmi ka treguar edhe për një tjetër pasion të saj që lidhet me aktrimin.
Në dy puntatat e para të këtij sezoni në “Portokalli”, ajo ka interpretuar në rolin e prezantueses së “Përthithen +40”. Duke qenë se Lei ka jetuar për shumë vite në Amerikë, ajo që bie menjëherë në sy në këtë rol është edhe e folura e saj me theks amerikan.
Megjithatë sporti mbetet i pazëvendësueshëm për Lein dhe ajo po ecën shumë mirë me programin e saj sportiv “Sport Time” në Digitalb. Madje edhe në kohën që u infektua me Covid, Lei ka vijuar që ta moderojë nga shtëpia.
Ajo ishte e ftuar sot në “Wake Up”, ku tregoi edhe emisionin e saj të preferuar.
“Emisioni im më i preferuar që kam bërë në sport, pavarësisht që nuk e kam drejtuar unë, ka qenë ‘Bar Skedina’. Sa jam kënaqur te ‘Bar Skedina’, duke vënë skedina. Ashtu mësohet futbolli (qesh). Ishte emision shumë i bukur, në lokal, muhabet”, u shpreh Lei.
E pyetur nëse ka pasur persona që kanë besuar te skedinat e saj, bukuroshja tha duke qeshur: “Po ka pasur dhe kanë humbur. Mos besoni te skedinat e mia. Nuk jam ajo parashikuesja mirë le të themi”.
