Alesia Bami zbuloi ditën e sotme në rubrikën “Në trotuar” në emisionin “E Diell”, se do të ndahej nga partneri për shkak “të mungesës së dashurisë dhe dhunës”.
Teksa po flitej rreth divorceve të ftuarve iu bë pyetja se “cila do ishte arsyeja që mund të ndaheshin nga partneret?”. Moderatorja e dashur për publikun u shpreh se do të ndahej “nëse mungon dashuria në një marrëdhënie”.
Sipas Alesias, nëse në një marrëdhënie mungon dashuria, atëherë çdo gjë mund të ndodh, që nga dhuna e deri te tradhtia.
“Me mua mund të shkosh mirë gjithë jetën, pasi duroj shumë. Por mund të ndahem edhe për një gjë koti, pasi mbledh shumë dhe shpërthej në një moment”, tha Bami.
