Raporti mes Butrint Imerit dhe aktores së njohur turke me origjinë shqiptare, Su Burcu Yazgi Coskun, ka ngritur pikëpyetje pas disa detajeve të fundit që nuk kanë kaluar pa u vënë re.
Aktorja ishte shfaqur më herët në eventin e albumit të Butrintit, ku dyshja u pa mjaft e afërt. Prania e saj dhe mbështetja publike ndaj këngëtarit bënë që raporti mes tyre të tërhiqte menjëherë vëmendjen e mediave.
Por së fundmi situata duket se ka ndryshuar. Su Burcu Yazgi Coskun mungoi në festën e ditëlindjes së Butrint Imerit, duke shtuar dyshimet se mes tyre mund të ketë pasur një ftohje.
Një tjetër detaj që ka tërhequr vëmendjen vjen nga rrjetet sociale. Butrinti dhe Su Burcu nuk e ndjekin më njëri-tjetrin, ndryshe nga periudha kur afrimiteti i tyre ishte bërë objekt diskutimi.
Nëse mes tyre ka ndodhur diçka apo bëhet fjalë thjesht për një distancim, mbetet e paqartë. Deri tani, as Butrint Imeri dhe as aktorja turke nuk kanë bërë një reagim publik që të sqarojë raportin mes tyre.
