Edhe përse ka kaluar më shumë se një muaj nga realizimi i Masterclass Albania, Mario Dedivanoviç e ka të pamundur ta largojë mendjen nga emocionet drithëruese që përjetoi me 26 maj në Tiranë. Nëpërmjet një postimi në “Instagram”, Mario ripostoi momentin kur e duartrokitën 2000 personat e pranishëm në sallë, ku 40 % e tyre kishte udhëtuar nga Europa, Amerika e Azia për të ndjekur sekretet e grimit.
“Nuk do e harroj kurrë këtë moment. Isha kaq shumë i emocionuar saqë gjunjtë u dobësuan dhe mezi po qëndroja në këmbë. Së shpejti, do të publikoj edhe vendodhjen e ardhshme të #TheMasterClass” – shkruan artisti i make up-it me origjinë shqiptare në videon ku nuk mund të përmbajë dot lotët nga emocionet.
Mikesha dhe bashkëpunëtorja e tij e ngushtë Kim Kardashian, ka reaguar menjëherë pasi pa videon e publikuar nga Mario.
“Wow.. Ti e meriton” – i shkruan ylli i “Keeping Up With The Kardashians”, grimierit me origjinë shqiptare.
