Mbrëmjen e kaluar prezantuesja më e re e “Top Channel”, Nevina Shtylla nisi sezonin e ri të emisionit “Procesi Sportiv”. Pas largimit nga televizioni “Klan” ku prezantonte një emision ‘lifestyle’ bukuroshen brune po e shohim për herë të parë si prezantuese sportive.
Mëngjesin e sotëm Nevina ka qenë e ftuar në emisionin “Wake Up” ku ka treguar se kjo eksperiencë është sa e bukur dhe e vështirë për një femër, pasi sigurisht që meshkujt kanë më shumë informacion. E pyetur nga moderatorët se kush janë meshkujt që konsultohet më shpesh për sportin, ajo tregoi se një rol të rëndësishëm kanë luajtur edhe bashkëpunëtorët e televizionit ku punoi më parë, “Klan”.
“Që jam konsultuar me meshkuj kjo është e sigurtë. Jam konsultuar me një pjesë të madhe të shoqërisë të cilët që në momentin që e morën vesh më ndihmuan. Gjithashtu edhe bashkëpunëtorët e mi, qofshin ata të televizionit ku kam punuar më parë “Klan” edhe ata që kam bashkëpunuar tani”,- shprehet moderatorja.
Me këtë përgjigje Nevina tregon se marrëdhënia ma ish-kolegët e saj shkon mirë pavarësisht largimit.
