5 vite më parë moderatorja Bora Zemani është bërë nënë, pasi në jetë ka ardhur Arbori. Ashtu si për çdo nënë, edhe për Borën, ardhja në jetë e të birit i ndryshoi jetën dhe ia mbushi atë me gëzim. Si kanë qenë këto 5 vite për të, Bora i përshkruan më së miri në një dedikim kushtuar Arborit në ditën e tij të lindjes.
“Shshshsh… qetësi!!! Arbori im bën 5 vjeç sot dhe mami ka dy fjalë për të thënë:
Vërtet, nuk e kuptoj si kaloi koha kaq shpejt. Ti dje ishe një bebe ndërsa tani, një djalë i vogël llafazan që më jep mend ose më pyet për çdo gjë. Tani je rritur dhe e ke mësuar që “shakpa” janë “shapkat”, që “fuckla” janë “flluskat”, që “oh maj gaj” është “oh my God” etj… Ke pak problem “kondicionerin” që i thua akoma “goconjer”, por punë e madhe, këto zgjidhen. Problemin e kam te pyetjet e tuaaa….”O ma, pse Zoti e ka vënë shkronjën A të parën?”… “Po Zoti a ka qenë bebe?”… “Pse ora kalon kaq shpejt?”… “Pse nata është kaq e shkurtër?”… dhe vazhdon pyet: “Ma, po kur isha te barku yt a ta kam prekur dot zemrën?”. Një pyetje që të bënë ta bërtasësh përgjigjen: PO, Arbor! Ma ke prekur zemrën me atë dorën tënde të vogël magjike dhe e ke ndriçuar kaq shumë. Prandaj për një gjë jam e sigurt, ti je bekimi më i madh që më është dhënë ndonjëherë në jetë! Urimet më të mira për Superheroin tim të vogël! Tani le të fillojë festaaaa”, -ka shkruar Bora, përkrah një videoje të ëmbël me të birin.