Dy ish-banorët e shtëpisë së “Big Brother VIP”, Donald Veshaj dhe Fifi, kanë marrë gjithë vëmendjen e publikut së fundmi, pas disa deklaratave të bëra në rrjetet sociale për njëri-tjetrin.
Edhe pse në fillim u duk se ishte një sherr serioz mes tyre, më pas u kuptua se gjithçka ishte në sensin e një shakaje. Çdo gjë nisi në puntatën e parë të emisionit “Më lër të flas”, kur aktori i humorit u shfaq me Mozzik në shtëpinë e BBV duke vendosur lule në vendin ku është rrëzuar Fifi.
Kjo e fundit reagoi menjëherë përmes një video në “Instastory” ku shprehej se do e hidhte në gjyq Donaldin. Më pas ishte ai që iu kundërpërgjigj këngëtares së njohur, duke i thënë se po e priste në gjyq.
Por në videon e aktorit të njohur u shfaq edhe Fifi, duke treguar kështu se e gjitha ishte një shaka dhe se miqësia e tyre vijon. Madje ajo do të jetë e ftuara e radhës në emisionin e tij.
Mirëpo së fundmi, Donaldi i ka bërë një rreng gjyshit të tij duke i thënë se do zihet me Fifin. Gjyshi e ndalon dhe i thotë se këngëtarja është shkëputur nga Ilir Shaqiri dhe Arjola Demiri për të.
Pjesë nga biseda:
Donaldi: Nuk e kam qejf Fifin.
Gjyshi i Donaldit: Po ajo bëri edhe emrin tatuazh
Donaldi: Do zihem se nuk e kam qejf, doli do të më hedhë në gjyq se çfarë tha… Do zihem.
Gjyshi i Donaldit: Po pse do zihesh?
Donaldi: Po do më hidhte në gjyq, ku di unë. A të zihem apo jo?
Gjyshi i Donaldit: Jo, në asnjë mënyrë. Fifi është shkëputur nga Iliri dhe nga Arjola, nuk flet fare. E lexova në gazetë dje. Ajo të ka dashur me sinqeritet.
