Ditën e sotme, koreografi Albi Nako lajmëroi ndjekësit në profilin e tij në Instagram se është shpërngulur nga Shqipëria për të nisur punën e re në televizionin “Rai” në Itali.
Menjëherë në profilin e tij në Instagram vërshuan komentet e ndjekësve të cilët i uronin fat për punën e re, mes të cilëve ra në sy edhe komenti i ish-gruas së tij, Klaudia Pepës, e cila gjithashtu jeton në Itali dhe po ndjek karrierën e saj atje.
Teksa Klaudia i uronte fat publikisht, balerina e njohur Alba Hoxha, me të cilën Albi përflitet prej kohësh për lidhje dhe fejesë, i shkruajti partnerit në komente:
“Domethënë na le?”, koment të cilit Albi iu përgjigj me emojin e një personi me duart e ngritura lart, si për të thënë se s’kishte ç’të bënte.
Por, megjithëse i bënë njerëzit të mendonin se rrugët e tyre ishin ndarë, në postimet e fundit në Instagram Alba ka treguar se e ka ndjekur Albin nga pas në Itali.
Ata janë parë nga njerëzit në ambientet e aeroportit teksa kanë udhëtuar së bashku për në Itali, si dhe kanë publikuar video nga i njëjti vend në Milano në profilet e tyre në Instagram, teksa ndjekin Javën e Modës. Megjithëse vazhdojnë të mohojnë lidhjen mes tyre, për të disatën herë Albi dhe Alba janë sërish bashkë.
