Gjithçka nisi nga një lojë “pyetje apo dënim” në prapaskenë. Duke qenë se refuzoi t’i përgjigjej pyetjes së Markos, Ana zgjodhi të puthte në buzë një vajzë, duke i kapërcyer pritshmëritë e djemve.
“Ishim duke luajtur një lojë dënim apo e vërtetë, dhe ishte një nga dënimet që iu dha Anës. Iu kërkua të puthte vajzën që i pëlqen më shumë dhe ajo më puthi mua”,- tha Mikela.
Ndërkohë, 20-vjeçarja shtoi: “Ishte loja e atillë. Ishte një dënim nga Marko. ‘Kë nga personat këtu do puthje?’, dhe unë i thash nuk dua të puth asnjë nga çunat dhe doja të puthja Mikelën, sepse më tërheq. Shkurt e shqip…
Ngaqë Mikela më pëlqen më shumë, i plotëson të gjitha ato pritshmëritë e femrës që unë kam në kokën time. Unë e dashuroj figurën e femrës, më pëlqejnë femrat e bukura dhe me karakter. Mikela është një nga femrat më me karakter këtu”.
Pas kësaj deklarate, Mikela u çua sërish dhe i dhuroi një tjetër puthje në buzë Anës. Në këtë moment, çunat u çuan të dilnin nga studioja.
Më herët, Ana kishte bërë një tjetër deklaratë të fortë: “Më mirë kryej marrëdhënie seksuale, sesa jap një puthje”.
“Që ta sqaroj këtë se më kanë masakruar kudo. Të gjithë kemi bërë biologji, të gjithë e dimë se si vazhdon cikli i jetës. Mos të bëjmë si injoranta për pjesën e riprodhimit. Edhe kafshët kryejnë marrëdhënie seksuale që të vazhdojnë fazat e jetës. Është diçka mekanike për mendimin tim.
Të gjithë kemi ardhur si pasojë e riprodhimit, me ndjenja, pa ndjenja. Dashuria është ajo që e bën një marrëdhënie të ketë ndjenjë. Dhe në një marrëdhënie seksuale, të vijë kjo dëshira e një puthjeje, vjen dëshira për të pasur kontakt më të afërt fizik. Nuk jam pro marrëdhënieve seksuale kudo, por mendoj se puthja është shumë e shenjtë”,- sqaroi Ana.
