Aktorja e famshme e Hollywood-it, Angelina Jolie, pas ndarjes nga ylli i kinematografisë, Brad Pitt, është duke bërë një jetë vazhdimisht në lëvizje.
Së fundmi është zhvendosur në Nju Jork dhe është parë nëpër qytet me dy fëmijët e saj, Pax dhe Zahara. Angelina thuhet se ka planifikuar të lançojë një koleksion të markës së modës “Atelier Jolie” dhe po kërkon një apartament në Manhattan për të menaxhuar kompaninë e saj.
“Angelina planifikon të ndajë kohën e saj mes Los Angeles dhe NYC”, tha një burim për “Life and Style Magazine”, duke shtuar: “Ajo është e emocionuar që ndodhet në një nga qytetet më të mëdha në botë”.
Për çfarë? Angelina Jolie kërkon 350 milionë dollarë dëmshpërblim nga Brad Pitt
Kujtojmë se ndarja e Jolie nga Pitt në vitin 2016 ishte problematike, duke pasur parasysh faktin se aktorja duhej të qëndronte pranë Los Angeles-it në mënyrë që të dy të mund të vazhdonin të ishin bashkë prindër.
Megjithatë, pas një betejë për kujdestarinë mbi fëmijët e tyre që tani është zgjidhur, ylli është gati për të gjetur një partner të ri, por ama ka një kusht.
Angelina Jolie kërkon që partneri i saj i ri të jetë interesant dhe mbi të gjitha i apasionuar.
