Të gjithë e kemi të freskët memorien pak muaj më parë, kur Anxhela Peristeri bëri për vete festivalin “Kënga Magjike”, kur fitoi me këngën “E çmendur”.
Tashmë, Anxhela ka publikuar versionin anglisht të këngës së saj, por me një risi.
Pjesë e këtij version është edhe këngëtari i madh shqiptare, Kastriot Tusha, i cili ka strofën e tij në këtë këngë.
Një produksion i Threedots dhe me tekst të Olti Currit, “Insanely in Love” ka ardhur me një videoklip mjaft interesant, të shoqëruar edhe me një koreografi të Graciano Taganit e që ekzekutohet më së miri nga vetë Anxhela.
Projekte të tilla janë të rralla në tregun tonë muzikor, prandaj po ju lëmë ta shijoni vetë.
