Ditën e sotme duket se nuk kanë fund surprizat nga fansat për banorët e tyre të preferuar. Donald Veshaj dhe Beatrix Ramosaj ishin të parët që u surprizuan nga fansat, të cilët duket se u dhanë një mesazh se janë pro dashurisë së tyre.
Këngëtarja e njohur u emocionua pafund dhe këtë e shprehu teksa përqafohej me aktorin e humorit dhe thotë: “Po më dridhen këmbët, ua sa bukur”.
Pak minuta pas kësaj ka kaluar një tjetër parashutë, e cila kësaj radhe ishte për Einxhel Shkirën. Por duket se fansat e moderatores së njohur kanë menduar edhe për të tjerët, pasi në mesazhin e tyre shkruante: “Banorë gëzuar Vitin e Ri”.
Teksa Einxhel pa surprizën që fansat i bënë, ajo u gëzua shumë. E me shaka u shpreh: “Kam vesh të njëjtat rroba si herën e kaluar, vetëm bluzën kam tjetër”. Kujtojmë se ky është mesazhi i dytë për moderatoren, pasi të parin e mori së bashku me Dj Dagz.
