Flakët që kanë dalë jashtë kontrollit në Athinë, u kanë marrë jetën të paktën 76 personave sipas burimeve zyrtare greke. Ndërkohë që ambasada shqiptare në Athinë është shprehur se 3 shqiptarë janë plagosur dhe po u jepet ndihma e nevojshme.
Shumë personazhe të njohur në të gjithë botën dhe në vendin tonë janë solidarizuar me këtë tragjedi në shtetin fqinj dhe mes tyre është edhe aktori i njohur i humorit Bes Kallaku.
Ai ka publikuar një mesazh të pastorit Akil Pano në Instagram ku fton miqtë e tij të luten për njerëzin në Athinë. Përpos shumë komenteve një fans i ka thënë që i vjen keq për ta, por nuk beson që ata do ishin lutur për ne.
Mirëpo përgjigja e Besit është për t’u duartrokitur pasi i thotë” po pse ne nuk duhet të tregojmë se kush jemi? Ka të mirë ndër të këqijn dhe ka të këqinj ndër të mirë”.
