Bleona Qereti prej kohësh është zhvendosur nga Shqipëria në Amerikë për të vazhduar karrierën e saj si këngëtare, megjithatë së fundmi e kemi parë dhe si aktore. Siç mund ta merrni me mend, ‘Hollywood’ të jep mundësi që të krijosh miqësi me emra shumë të njohur, qofshin këto këngëtarë apo aktorë dhe këngëtaren shqiptaren e kemi parë gjithmonë krah personazheve shumë të njohur. Bleona ka publikuar një video ku shfaqet në makinë me aktorin Ray Diaz, pas një ngjitjeje në mal, një video e cila është publikuar dhe nga vetë Ray në ‘Instastory-n’ e tij, me shkrimin: ‘Bussines/Cardio’, duke nënkuptuar se dyshja ndoshta është duke biseduar për ndonjë projekt të ri së bashku. Duke qenë se Ray është dhe ‘youtuber’, së shpejti mund ta shohim Bleonën si protagoniste në videot e tij.
