Ato janë disa nga emrat më të rinj në fushën e modelimit dhe njihen si modelet më seksi dhe mjaft premtuese sa i përket pasarelave shqiptare dhe seteve fotografike.
Disa prej tyre, i janë futur së fundmi botës së modës dhe mund të themi se bukuroshet premtojnë shumë për një karrierë të gjatë e të suksseshme!
Katerina Sheno
Bukuroshja ka qenë moderatore e programit “Falco” në Vizion Plus përveçse modele. Fillesat e para i ka pasur që në moshën 14 vjeçare me udhëtime drejt vendeve Aziatike, eksperiencë e cila ka zgjatur nga 3-4 muaj për 3 vite rresht. Katerina ka qenë kopertinë e revistës Bordo.
Ada Deda
Ada Deda është një nga modelet më të reja të zbuluara së fundmi. Ajo është bërë e njohur me anë të disa fotosesioneve të saj për fotografë të njohur dhe profesionistë.
Kënga me titull “Prej se jena nda”, ka si modele Adën.
Bukuroshja gjithashtu ka reklamuar fustanet e nusërisë të ”Andrra Couture”, dyqanin në Tiranë të fustaneve të nuserisë, të bashkëshortes të këngëtarit Sinan Hoxha.
Endi Demneri
Modelja Endi Demneri është tejet e angazhuar në profesionin e saj, dhe jo rrallë herë realizon edhe fotosesione të ndryshme. Ajo shquhet për bukurinë e saj natyrale. Endi është modelja kryesore për sallonin me fustane nusërie “Frida, Xhoi & Xhei”.
Siç duket Endin e shohim më shumë të pozoj me fustane nusesh.
Keisi Medini
Keisi Medini e ka nisur herët modelimin dhe është shndërruar menjëherë në të preferuarën e publikut. Ajo është vajza e këngëtarit të mirënjohur, Sabian dhe kjo kuptohet lehtësisht nga ngjashmëria në tipare.
Keisi është ende shumë e vogël, por po ecën shpejt drejt karrierës. Paralelisht me modelimin, ajo do të vazhdojë edhe me muzikë. Keisi është në rrugën e duhur drejt artit!
Kristi Çavo
Kristi është një nga femrat më të bukura Shqiptare. Kukulla e porcelanit, dikur modele në editorialet e Anabel, tashmë parakalon në sfilatat më të rëndësishme në vend dhe është bërë pjesë e disa fushatave publicitare të rëndësishme. Ajo ka sfiluar disa herë për Geraldina Sposa dhe në shumë sfilata të tjera të emrave të njohur.
/AlpeNews.al
