Modelja bukuroshe dhe shumë e komentuar në media, sidomos për lidhjen me Bleron, Afrona Dika feston sot ditëlindjen. Në këtë ditë të veçantë Blero ka vendosur ta surprizojë Afronën me një dedikim të ndjerë, me fjalë që çdo vajzë do donte t’i dëgjonte nga njeriu i zemrës.
“Shpirti im binjak, gruaja ime, gjithçka imja. Gëzuar ditëlindjen personit më të mrekullueshëm që njoh dhe zemrës më të bukur që kam takuar. Jam mashkulli më me fat që të kam ty në krah. Më mungon kaq shumë. Dëshira ime e vetme është mos t’i festojmë kurrë ditëlindjet tona të ndarë. Të dua deri në hënë e në kthim”, shkruan Blero duke postuar një foto të Afronës.
Blero dhe Afrona do të kurorëzojnë dashurinë e tyre në martesë në shtator.
