Moderatorja e njohur ekraneve shqiptare, Klea Huta, ka përjetuar një gjendje jo të mirë shëndetësore ditën e djeshme.
Përmes disa postimeve të bëra në profilin e saj të Instagramit, Huta ka treguar se 24 orët e fundit të saj kanë qënë tepër sfiduese, me kriza barku, shqetësime gastrointestinale, dhimbje trupi dhe deri në atake paniku.
“24 orët e fundit ishin sfidues për mua. Simptoma të çuditshme që filluan me kriza barku, shqetësime gastrointestinale, dhimbje trupi dhe deri në atake paniku. Vendosa të vishem, të lyhem dhe të dal, në mënyrë që të mos i bëj shoqëri krevatit edhe pse fizikisht jam e pafuqishme dhe ndihem çuditshëm. Nuk jam ndjerë kurrë më parë kështu në jetë. Uroj shumë të jeni mirë dhe kujdesuni për veten”, shkruan Klea bashkangjitur një fotoje të publikuar në Instagram.
