Këngëtarja e famshme me origjinë shqiptare, Dua Lipa, përveçse është shumë aktive me projektet e saj muzikore, gjithashtu është mjaft aktive edhe në rrjetet sociale.
26-vjeçarja ndan me miliona ndjekësit foto e video të shumta në “Instagram”, si nga jeta profesionale ashtu edhe private
Së fundmi, artistja e shumë hiteve ka ndarë me ndjekësit disa poza ku shfaqet e veshur me shumë stil. Ajo mban veshur një fund të zi dhe një xhup të hirtë, teksa mbante një shall të kaltër rreth qafës dhe kokës.
Por ajo që ka tërhequr më shumë vëmendjen është një foto ku tregon këmbët e saj, ku mund të shiheshin gjunjët e gjymtuar, të cilët ajo po i mirëmbante me një ilaç që kishte aty pranë.
Fansa të shumtë kanë komentuar mbi këtë fotografi, duke pyetur të habitur se çfarë ka ndodhur me gjunjët e saj, derisa disa prej tyre e kanë kuptuar që kjo lidhet me provat rraskapitëse për performancat e saj të vallëzimit në koncertet e turneut.
