Që pas daljes nga “Big Brother VIP” Arjola Demiri është pyetur shpesh rreth shtëpisë që iu dhurua. Në një intervistë të dhënë së fundmi për “Pardon My French”, aktorja ka treguar se i vijnë me mijëra mesazhe rreth saj.
Arjola ka shuar kuriozitetin e të gjithëve teksa ka zbuluar se akoma nuk është zhvendosur sepse shtëpia është ende në ndërtim, megjithatë kontratën e ka firmosur.
“E para nuk kam dashur të flas sepse ka pasur shumë zëra. Nuk flitej për asgjë tjetër përveç shtëpisë, fillojë të më torturonte kjo gjë. Edhe pa e marrë kontratën kam thënë që e kam marrë sepse nuk ka pasur vend për të dyshuar. Përtej nesh ka pasur me mijëra mesazhe në lidhje me shtëpinë. Tani shtëpia është në ndërtim e kam thënë edhe kontratën e kam firmosur tashmë. Pres vetëm t’i vendoset një derë dhe të marr çelësat”, është shprehur ajo.
