Justin Bieber dhe Hailey Baldwin vetëm pak javë më parë nëpërmjet rrjeteve sociale bënë publike marrëdhënien e tyre. Pavarësisht se ata duken shumë të dashuruar, një pjesë e madhe janë skeptikë e madje mendojnë se dashuria e tyre nuk do të zgjasë shumë. Megjithatë Justin dhe partnerja e tij e kanë marrë shumë seriozisht lidhjen e tyre. Pavarësisht se janë të fejuar, ata mendojnë se martesa është diçka më e vështirë dhe për këtë arsye po përgatiten që çdo gjë të shkojë siç duhet. “Ata do të marrin gjithë kohën që u duhet. Përpara se të shkojnë drejt altarit ata do të marrin pjesë në disa klasa para martese që të dinë si të përballen me çdo problem që mund të hasin në të ardhmen”, – ka treguar një burim për “Hollywood Life”. Madje deri tani marrëdhënia mes tyre po ecën për mrekulli, sepse asnjëherë deri më sot nuk kanë pasur zënka me njëri-tjetrin. Edhe pse ata nuk kanë përcaktuar ende një datë martese, mendohet se ajo do të jetë një festë shumë private mes miqve më të afërt.
