Ashtu siç jemi mësuar të shohim në çdo edicion, edhe ditën e sotme kishte një surprizë në emisionin ‘Familja’. Bëhet fjalë për moderatoren Bora Zemani dhe djalin e saj, Arborin. Bora na ka treguar shpesh herë se ajo dhe djali i saj kanë një marrëdhënie të mrekullueshme, por këtë e ka vërtetuar edhe njëherë vetë Arbori. Ndihmuar nga produksioni i emisionit, ai u fsheh poshtë një kutie gjigande, e cila ishte e paketuar si një dhuratë. Në momentin kur Bora hapi dhuratën, djali i saj iu hodh menjëherë në krah. Moderatorja ishte shumë e emocionuar dhe falenderoi emisionin për dhuratën. Nuk duhet të lëmë pa përmendur se Arbori kishte veshur një bluzë me foton e tij dhe të Borës, ku e quante atë “Mbretëresha ime”.
