Në janar të vitit të shkuar, familja Skënderaj u bekua me një djalë dhe padyshim lumturia e tyre arriti majat. Prindërit, Miriami dhe Albani, vendosën ta pagëzonin me emrin Duam, për shkak edhe të një kënge që kishin realizuar më herët së bashku.
Ditët shkojnë dhe Duami i vogël sa vjen edhe rritet, prandaj edhe çifti shumë i dashur për publikun nuk ngurojnë të ndajnë herë pas here foto të tij. Së fundmi, Albani ka treguar se Duami ka nisur të provojë filtrat e TikTok dhe është surprizuar pafund. Mesa duket e preferuara e tij është trasnformimi si personazhe të filmave për fëmijë. “Duam Arushi po habitet me filtrat”, ka shkruar këngëtari krahas fotos në Instastory.
