“DUHET TË PUNOJMË MË FORT”/ Dua Lipa flet në mbështetje të artisteve

Dua Lipa është një nga artistet që gjithmonë është në mbështetje të femrave. Edhe gjatë eventit “ILMC’s Futures Forum”, ku Dua ka qenë e ftuar, ka prekur pak temën e artisteve femra dhe problemet që ato hasin gjatë fillimit të karrierës. “Si femra, duhet të punojmë fort në mënyrë që zëri ynë të dëgjohet dhe ne të ndihemi të vlerësuara. Kur je një artiste femër, është e nevojshme që ti të jesh duke luajtur në piano, ose në kitare, ndryshe mendojnë se nuk je ti ajo në të vërtetë. Kështu, të duhet pak kohë t’u tregosh të gjithëve sakrificat e tua dhe problemet që ke kaluar”, është shprehur Dua. “Ndonjëherë të merr më shumë kohë dhe më shumë shpjegime, megjithatë është diçka që unë jam gati ta marr përsipër në mënyrë që të dëgjohem nga të gjithë”, ka shtuar këngëtarja, duke treguar kështu se nuk ka ndërmend të ndalet me kaq sa ka arritur. Kujtojmë që momentalisht ajo është një nga këngëtaret më të suksesshme dhe silueta e saj gjendet në “Madame Tussauds”.