Pas takimit shumë emocionues dhe romantik të Bora Zemanit dhe Donald Veshajt brenda shtëpisë së “Big Brother VIP”, fansat po presin me padurim që të dinë se çfarë do të ndodh mes tyre pasi aktori i humorit të dalë jashtë.
Mbrëmjen e djeshme, këngëtari i mirënjohur Naim Abazi ishte i ftuar në “Përputhen Prime” dhe e ngacmoi Borën për këtë çështje.
“A e di që të gjithë shqiptarët po presin një përgjigje tënden?”, i tha ai.
“Më prisni pak dhe mua, se po pres dhe unë dikë”, u përgjigj Bora duke qeshur, duke treguar kështu se po pret që Donaldi të dalë nga “Big Brother VIP”.
Kujtojmë se pak ditë më parë aktori e surprizoi dhe për përvjetor, duke i dhënë varësen e tij.
