A nuk ngjan paksa si latine? Nëse edhe ju kishit këtë pyetje, nuk ishit të vetmit. Takimi i Soni Malajt me kompozitorin dhe këngëtarin nga Porto-Riko, Joëell Gram, erdhi edhe nga ngjashmëria e saj në stilin e këngëve dhe pamjes së jashtme me muzikën latine.
Gjatë një interviste për “Lart e Poshtë”, Soni Malaj tregoi për bashkëpunimin e saj më të fundit për këngën e saj më të fundit:
“Ai kujtonte se isha latine. E kam takuar në një intervistë kur erdhi në Shqipëri. Kujtohem që më tha: “Si ka mundësi që je nga Shqipëria”, kur më pa duke performuar”.
Lidhur me partnerin, Malaj u shpreh se e ka kudo nga pas edhe gjatë kohës së xhirimeve për videoklipet.
“Jowell Gram madje më tha, “Nuk e bëj dot se Klevi është aty”. Ai nuk është xheloz se kupton natyrën time, që unë jam në punë dhe thjesht mundohem të përshtatem”, shprehet Soni.
