Afërdita Dreshaj ka bërë së fundmi një bisedë virtuale me ndjekësit në Instagram, ku një prej tyre e ka pyetur nëse në Shqipëri e paragjykojnë që bën pushime pa djalin.
Modelja ka thënë se e paragjykojnë shumë, por ajo mendon ndryshe. Ajo është shprehur se po aq rëndësi sa ka familja, e ka dhe lidhja në çift prandaj nuk duhet lënë anash.
“Atëherë le të flasim pak për këtë temë. Paragjykojnë shumë, unë mendoj ndryshe. Mendoj që aq sa ka rëndësi familja ka rëndësi edhe lidhja në çift. Falënderoj Zotin që kam mamin dhe është në duar shumë të sigurta.
Mendoj që është një karikim dhe merr në energji për të qenë prindër dhe më të mirë. Mos e lini anash lidhjen si çift, mos të jetë “fëmija” e vetmja gjë e përbashkët! Nga dashuria, ka ardhur fëmija”, ka shkruar Afërdita.
