Këngëtarja i ka habitur të gjithë gjatë koncertit të fundit me Dhurata Dorën ku ka performuar duke mbajtur me vete një çantë dore, gjë që nuk është parë asnjëherë nga ndonjë artiste tjetër shqiptare.
Dhe pse duket si diçka jo komode për faktin se këngëtarja në koncertet e saj performon gjatë gjithë kohës, Elvana ‘sakrifikoi’ për të sjellë diçka ndryshe.
VIDEO
Kujtojmë se mediat përgjatë gjithë javës kanë aluduar se Elvana Gjata dhe Dhurata Dora kishin në ambiciet e tyre konkurrimin në Eurovizion. Thënë kjo menjëherë u aludua se Elvana Gjata do të konkurronte sërish në festivalin e Këngës në RTSH. Por duket se nisur nga e gjithë zhurma mediatike, vetë këngëtarja ka reaguar. Elvana i ka dhënë fund të gjithë zërave për një pjesëmarrje të saj në Festivalin e fundvitit.
Në faqen e saj të Instagram ajo u shpreh se nuk do të marrë pjesë në Festivalin e Rtsh. Më tej këngëtarja ka lajmëruar edhe koncertin e saj të rradhës me Dhuratën dhe natyrisht që nuk ka asnjë lidhje me Eurosong. Kujtojmë se vite më parë, Elvana u ngjit në skenën e Pallatave të Kongreseve, duke provuar emocionet e garës. Por synimi i saj për të fituar nuk u arrit e që nga ai moment duket se ajo ka hequr dorë nga kompeticionet muzikore në vendin tonë.
