Lajmi se do bëhen prindër e ka gëzuar shumë çiftin shumë të komentuar Almeda Abazi dhe Tolgahan Sayisman. Ky lajm u bë fillimisht i ditur nga mediat turke dhe vetëm pak më vonë Almeda e konfirmoi.
Çifti madje zbuluan edhe gjininë e fëmijës dhe së shpejti ata do bëhen me djalë.
Së fundmi Almeda ka shuar edhe kuriozitetin se si duket me barkun e rrumbullakosur, duke postuar një foto krah Tolgahanit.
Sot për bukuroshen shqiptare ka qenë një moment i veçantë pasi ka dëgjuar për herë të parë rrahjet e zemrës së bebit.
Këtë moment Almeda e ka treguar me anë të një fotoje në Instagram ku shihet shumë e emocionuar teksa mbulon fytyrën me duar.