ë datën 1 qershor aktori i njohur i humorit, Gaz Paja, i dha fund beqarisë në një dasmë madhështore të organizuar deri në detaj nga ‘Ami Event’. Dasma mori vëmendjen e të gjithëve dhe u komentua shumë në media.
Ditën e djeshme, kryebashkiaku Erion Veliaj publikoi disa foto me aktorin dhe bashkëshorten e tij Ira dhe i dha mikut të tij disa këshilla të vlefshme.
“Gazi, dëgjo vllain, 3 këshilla:
Fjalët kyç në një martesë afatgjate janë katër: Ke t’drejtë, faji im!
Asnjëherë mos qesh me zgjedhjet e gruas tënde – se ti je një prej tyre!
Mos harro kurrë, 1 Qershori s’eshtë festa e fëmijëve, është përvjetori yt i martesës!
Te trashëgoheni vllai im, ju duam shume!”, i shkruante ai.
Ndërkohë së fundmi, aktori e ka shpërndarë postimin e Veliaj dhe pranë saj ka shkruar dy këshilla që gjyshi i tij i ka dhënë.
“Jam dakord me 3 këshillat. Edhe gjyshi im kishte 2 këshilla për kështu rastesh.
1. Bëje gruan të besojë se ajo do komandojë për të gjitha.
2. Ajo do komandojë për të gjitha !”, ka shkruar Gazi duke e shoqëruar postimin me disa emoji të qeshurash.
