Kaimana është vetëm 10 javëshe dhe ia ka dalë të vjedhë zemrën e të gjithë ndjekësve me ëmbëlsinë e saj. Edhe pse kishte vendosur ta mbante të fshehtë fytyrën e vajzës së saj, Linda Halimi ka publikuar shpeshherë video apo foto nga momentet që kalon me të. Së fundmi, ajo ka ndarë me fansat një video ku shfaqet duke tundur Kaimanën dhe në të njëjtën kohë, i këndon asaj një këngë të vjetër të Ermal Fejzullahut, ‘Trashe’. Kaimana duket se po e shijon në maksimum, pasi gjatë videos shfaqet e buzëqeshur. Postimi ka marrë shumë komente nga fansat, të cilët janë tashmë ‘adhurues’ të Kaimanës.
