Një spital në SHBA ka gjetur mënyrën më fantastike për t’i bërë pacientët më të vegjël të festojnë Halloween- in. Stafi i këtij spitali, ka marrë gjithë kohën e nevojshme për të maskuar foshnjet e sapolindura.
I gjithë qëllimi i kësaj nisme është t’i bëjë njerëzit të qeshin dhe të krijojë një kujtim për vogëlushët.
Bebet e maskuara janë të gjitha të lindura nën peshë dhe po qëndrojnë në inkubator.
“Nuk mund të zgjedhësh dot të preferuarin…të gjithë këto bebe janë fitimtare! Të fitosh sfidën e lindjes së parakohshme ose gjithçkaje tjetër që nuk ke në kontroll nuk është aspak e lehtë,” është shprehur dikush.
Kështu festa e Halloween- it është bërë më e bukur se kurrë, për spitalin, foshnjat dhe familjet e tyre.