Reperi shqiptar i hitit “Gang gang”, Fero ka qenë në qendër të vëmendjes gjatë ditës së sotme pas një sulmi të ndodhur mbrëmë kur teksa dilte nga kinemaja, 4 persona e kanë sulmuar.
Njëri prej tyre madje kishte edhe armë dhe në një reagim pas ngjarjes, Fero u shpreh se po të kishte pasur edhe ai armë, do të qëllonte.
Grupi që dhunuan reperin nuk është kapur ende nga Policia ndërsa nga kjo ngjarje Fero ka pasur vetëm disa lëndime të lehta.
“Insajderi” ka publikuar pak më parë videon ku shihet momenti kur 4 personat sulmojnë reperin
Në video shihet se Fero disa herë ka bërë rezistencë teksa 4 djem i gjuajnë me shkelma e grushta e më pas largohen me shpejtësi.
