Një nga personazhet e njohur që e pa dje ndeshjen Shqipëri – Francë nga afër në “Air Albania” ishte edhe Arbana Osmani. Nën shoqërinë e Eduartit, ky i fundit ka ndarë me ndjekësit një moment të ëmbël mes tij e Arbanës.
Veshur me të kuqe, me kokën e mbështetur tek Grishaj, moderatorja shihet teksa shijon emocionet e lojës. Duke falenderuar fotografin, Eduarti ka bërë edhe një batutë lidhur me një moment të tillë. “E paske shkrep fiks 1 minutë para se ta zinte gjumi Arbanën”, ka shkruar Grishaj bashkangjitur fotos.
Pas përfundimit të rrugëtimit në Panairin e Librit, duket se Arbana ka zgjedhur eventin sportiv për të kaluar një mbrëmje argëtuese, larg lodhjes e punës. Dhe një vendimi të tillë, nuk kishte si të mos i bashkohej dhe Eduarti. /News31.al