Xhensila Myrtezaj është një nga këngëtaret më të talentuara, por edhe më të bukura të skenës shqiptare. Gjithashtu, së bashku me Bes Kallakun janë çifti i momentit, shumë të pëlqyer dhe shumë të ndjekur në rrjetet sociale.
Lajmi i shtatzënisë së Xhensilës, i publikuar pak javë më parë nga “Panorama Plus”, krijoi mjaft konfuzion në publik. Madje, shumë portale nxituan edhe ta përgënjeshtronin.
Vetë Xhensila nuk ka pranuar ta pohojë vërtetësinë e lajmit, madje ka bërë edhe ironi në “Instagram”. Thuhej, se lajmin donte ta ruante ekskluziv për ndonjë program televiziv, por as te programi i Arbana Osmanit “Dua të të bëj të lumtur”, nuk e tha.
Tani thonë që e ka ruajtur për programin e Alketa Vejsiut “Në kurtthin e Piter Panit”. Ndërkohë, paparazzi ynë e ka fotografuar katër ditë më parë, ku Xhensila tashmë ka marrë trajtën e një gruaje shtatzënë, por përsëri duket shumë e bukur.
