Këngëtari i njohur shqiptar, Ermal Meta, ka postuar në “Instastory” disa fotografi ku ka treguar gjendjen e tij shëndetësore jo të mirë. Përmes këtyre postimeve, ai ka lajmëruar fansat e shumtë se prej ditësh kishte fryrje në pjesë të ndryshme të fytyrës dhe kokës.
“Për disa ditë më janë fryrë pjesë të ndryshme të fytyrës dhe kokës. Fillimisht mendova se mund të ishte një goditje ajri, por nuk është ashtu. Dje në mëngjes u zgjova më keq se zakonisht dhe sot në mëngjes njësoj”, ka shkruar këngëtari në postim në “Instastory”.
E për shkak të gjendjes shëndetësore, Meta u detyrua të hiqte dorë nga disa angazhime në punë.
“Jam i detyruar të anuloj takimet e Peschici dhe Giffoni pasi duhet të shoh dhe mbi të gjitha të zgjidh situatën. Më vjen shumë keq. I kërkoj falje organizatorëve të eventeve dhe fansave. Do të shihemi së shpejti”, shtoi ai.
