Vetëm disa ditë më parë, ish-banorja e Big Brother, Gerta Shino, mori një propozim për martesë në mes të emisionit “Ftesë në pesë” nga partneri i saj Florenti, i cili jeton në Norvegji.
Ish-banorja zbuloi se në muajin shkurt do të bënin celebrimin dhe së fundmi ka ndarë me ndjekësit e saj në Youtube një surprizë mjaft të këndshme për partnerin.
Teksa ndodhet në Shqipëri për disa ditë pushimi, ajo ka vendosur të tatuazhojë në krah emrin e partnerit të saj. Ndërkohë që ia tregonte në video tatuazhin në krah, Florenti ka nisur të qeshë e t’a akuzojë se tatuazhi nuk është i vërtetë, duke thënë i bindur se do të fshihet pas 6 muajsh, ndërkohë që Gerta është përpjekur t’a bindë se tatuazhi do t’i ngelet gjithmonë në lëkurë.
