Ajo është një ndër moderatoret e njohura të televizionit shqiptar e cila shquhet për humorin e saj, por edhe për tipin thumbues. Bëhet fjalë për Fatma Haxhialiun e cila prezanton prej vitesh së bashku me Aulona Mustën emisionin ‘Thumb’.
Ditën e djeshme ajo ka qenë e ftuar në emisionin ‘Boom’ në Ora News, ku moderatorja ka folur për jetën e saj private dhe madje ka treguar dhe për raportin vjehërr nuse, ku sipas saj ajo e ka gjetur rrugën e mesme duke qenë se nuk jeton me të dhe rrjedhimisht nuk kanë as probleme.
E pyetur se si i ka marrëdhëniet me nënën e bashkëshortit ajo është përgjigjur:
“Vjehrrën e kam në Kosovë. Është shumë e mirë. Në shtëpi nuk bëhet fjalë që ta kisha sepse unë e di që jam njeri që nuk mund të jetoj me njerëz të tjerë në shtëpi. Ajo edhe mund të jetojë sepse ka tipin fiks si të parnerit tim, janë shumë tolerantë, të butë të dy. Nuk ka lidhje ajo, jam unë problem”, ka rrëfyer për dy gazetaret Fatma.
