Ardian Bujupi ka zhvilluar së fundmi një bashkëbisedim me ndjekësit e tij, ku është pyetur rreth çështjeve të ndryshme, qofshin këto personale, qofshin profesionale.
Ndër të tjera, autori i hitit “Andiamo” është pyetur edhe rreth martesës. Një ndjekës i ka shkruar se tashmë e ka ai radhën për tu martuar (duke e shoqëruar me një emoji dhëndri dhe një emoji nuseje).
Por nëse ju shkoi mendja te Sabrine, prisni. Ardian ka zbuluar në fakt se crush-i i tij është një person shumë i njohur në SHBA, por jo vetëm.
Bëhet fjalë pikërisht për këngëtaren dhe tekstshkruesen amerikane Madison Beer. Shqiptari ka publikuar foton e saj në story, duke shkruar “Po, me Madison”.
Nuk e dimë se ç’mendon nëna e tij për nusen që djali do. (xp) Kujtojmë se në një intervistë Ardian tha se mamaja e tij i thotë shpesh që të gjejë nuse shqiptare.
Ndërkohë, sa i përket Sabrine, duhet ta pranojmë se nuk i kemi parë më së bashku. Ndonëse artisti ka mohuar gjithnjë zërat se ndodhet në një lidhje me modelen, faktet e tradhëtonin.
Kujtojmë se zërat për një romancë mes Sabrine dhe këngëtarit u hapën pas realizimit të këngës ‘Modela’ ku ajo është protagoniste e klipit.
Disa kohë më parë i pyetur nga fansat se çfarë e ka Sabrine, ai tha: “Qikë t’hallës. Jemi vetëm shokë.”
Megjithatë, fotot romantike, videot në TikTok, mbështetja e vazhdueshme për njëri-tjetrin janë disa detaje që nuk na e mbushin shumë mendjen.
Për më tepër, kjo foto me të cilën ai e uroi modelen për ditëlindje s’na duket fare si një foto që mund ta bëjnë shokët, në një dhomë gjumi…
