Moderatorja e njohur, Argjira Spanca, ishte pasditen e djeshme e ftuar në emisionin “Ftesë në 5”, ku foli gjerë e gjatë për lidhjen me Graciano Taganin, por edhe për raportin e saj të shkëlqyer me vjehrrën.
Teksa tregoi se familja e saj e ka pritur mjaft mirë lidhjen e saj me balerinin e njohur, ajo shtoi se mami i saj mban anën e Gracianos. Më pas Argjira shtoi se mami i balerinit mban anën e saj, e kështu janë bërë aleancat.
Argjira u shpreh me fjalët më të mira për të, duke thënë se e konsideron si shoqe të ngushtë, pasi i thonë gjithçka njëra-tjetrës.
“Pimë kafe çdo ditë. Vjehrra e ka punën përballë shtëpisë time, jemi komshie. Ajo çdo mëngjes që vjen te puna, i them hajde se kam bërë kafen turke, hajde te nusja. Kur shkojmë për të bërë shopping m’i çon të gjitha me rradhë, ta marr këtë, ta marr atë dhe unë i tregoj merre këtë, merre atë. Ka filluar të marrë këshillat e mia. E kam si shoqe të ngushtë, me Ornelën flas çdo gjë, që nga hallet me Gracianon, si nga hallet me shoqet, nga hallet e punës. Ajo e di çdo detaj. Është dashuri, e kam shumë xhan. E dua shumë”, tha ajo.
Argjira tregoi një moment kur vjehrra i kishte dalë në krah, duke i bërtitur Gracianos.
“Tani që po filloj projektin e ri isha shumë e stresuar, por Graciano është kritikuesi im më i madh. Një ditë po më bënte shumë presion “Mos i ngelizho gjërat” dhe unë isha aq e stresuar sa edhe ky nuk më duhej fare. Në atë moment shpërtheu Ornela “Ore a do pushosh ti se të nxora nga shtëpia! Boll! Mos ma ngacmo gocën se mjaftueshëm është e stresuar””, u shpreh ajo.
