Tashmë nuk është më çudi që këngëtarët shqiptarë të kopjojnë këngët e huaja dhe ti sjellin në versionin shqip. Por ka disa nga ata të cilët pothuajse të gjitha këngët i kanë të kopjuara dhe nuk kanë turp fare.
Dy këngëtarë të njohur, me emrat e artit si Blunt dhe Real 1 thyejnë rekordin për këtë gjë.
Para disa kohësh ata publikuan këngën “Qika Jem”.
Mirëpo rezulton se kjo këngë është komplet e vjedhur nga kënga e Quality Control, Quavo, Lil Yachty – Ice Tray.
Kjo nuk është e vetmja.
Edhe kënga “Shaolin Gang” është e kopjuar. Melodia e kësaj kënge është imitim nga kënga e “The Ransom – Resist”.
Vazhdojmë me këngën e radhës.
Nëse e keni të njohur “Do you love me” me ritme orientale atëherë keni plotësisht të drejtë. Refreni i këngës duket se bazohet në fakt në dy këngë të publikuara vite më parë, njëra prej tyre është rikthyer së fundmi në vëmendjen e publikut dhe është kaq komike.
“Do you” është një këngë që ka tërhequr së fundmi vëmendjen e shumë artistëve dhe një prej tyre duket se është edhe dyshja nga Kosova.
Nga kërkimi rezulton se kjo këngë e ngjashme është realizuar edhe nga The Warren Brothers, në vitin 2000, por e rrymës “country”.
Gjithësesi nuk dimë nëse Blunt dhe Real 1 thjesht janë frymëzuar nga këngët, i kanë kopjuar, apo e gjitha kjo është një rastësi e çuditshme.
Përgatiti AlpeNews.al
