Një skiatore britanik, e cila pati një vdekje klinike për 20 minuta pasi u kap në një ortek, ka treguar për përvojën e saj dhe atë që pa në “botën e përtejme”.
Rihanna Shaw, 29 vjeçe thotë se pa një “pyll paqësor” pasi ajo mori vendimin për të ndaluar frymëmarrjen në shkurt të vitit 2012.
Ajo kishte shkuar për ski në Austri kur u përplas me një skiator tjetër.
Por, kur u rrëzua mendoi se ishte një “dush dëbore” që rezultoi të ishte makthi më i keq i saj.
Rihanna tha për Sun Online: “Përplasja jonë ishte kaq e fuqishme, krijoi një përplasje masive në mal dhe u përballa me një ortek që më shtyu 200 metra poshtë.
Por papritmas ndalova lëvizjen dhe gjithçka që ndieja ishte dëbora e madhe që më ndalonte të lëvizja, të shihja dhe të mendoja. Brenda pak sekondash nuk mund të merrja më frymë dhe po fokusohesha që të arrija të kisha frymëmarrje. Unë u përpoqa të bërtisja, por u bë e qartë se askush nuk mund të më dëgjonte, prandaj vendosa të ndaloj frymëmarrjen dhe gjithçka u bë aq paqësore”.
Ajo mendonte se kisdhte vdekur, por në fakt truri i saj funksiononte ende.
“Fillova të ec përgjatë një rruge në një pyll të qetë. Çdo gjë ishte e ndritshme. Ishte e çuditshme pasi ishte aq qetësuese dhe dukej sikur kishte një lloj dëbore në tokë, por jo si ajo që njohim”, përfundoi Rihanna.
Ekspertët kanë sugjeruar që ne mbetemi ‘të bllokuar’ brenda trupit tonë edhe pasi zemrat tona ndalojnë rrahjen. Ata zbuluan se të mbijetuarit e atakut kardiak janë të vetëdijshëm për atë që i ndodh kur mendojnë se kanë vdekur.
