Një foto e postuar së fundmi në Instagram nga Emina Cunmulaj nxiti shumë debate! Modelja shqiptare pozonte në pishinë me rroba banje dhe me një pamje shumë natyrale.
Disa nga fansat e përgëzuan për natyralitetin, ndërsa të tjerët i vendosën në dukje masën e vogël të gjoksit.
Në një Insta Live të mbajtur pasditen e djeshme me ndjekësit e saj, Emina shprehu hapur mendimin e saj.
“Nisën të shkruanin disa: ‘Sa natyrale, por ‘dërrasë’’. Boll ore djalë, mos të shkojë syri aty ku s’duhet”, tha fillimisht modelja.
Më pas ajo iu përgjigj edhe një prej ndjekëseve që shkroi:
“Më mirë ‘dërrasë’, sesa të shohësh operacion”.
Emina u sqaroi të gjithëve se është e dashuruar me trupin e saj ashtu siç është:
“Jam e kënaqur me trupin tim, më pëlqen. Shyqyr Zotit që dhe burrit tim i pëlqen. Kështu që mos u shqetësoni”.
Ky është mesazhi që duhet të dëgjojmë më shpesh: Ta duam veten siç jemi!
