Prej kohësh tashmë këngëtarja shqiptare, gjendet në Amerikë ku po përpiqet për një karrierë ndërkombëtare.
Pas pjesëmarrjes në “American Idol” dhe “Eurovizion 2017”, ajo vazhdon të punojë fort në kërkim të famës. E rrethuar vazhdimisht me emra që kanë të bëjnë me muzikën, Linda Halimin e pamë së fundi në një foto krah vëllait 10 vjet më të madh të këngëtares Ariana Grande, Frankie Grande. Në një event në Mandalay Bay Resort and Casino, në Las Vegas, Linda ka ndarë skenën me këngëtarin, aktorin dhe kërcimtarin e njohur i cili prej kohësh ka folur hapur për preferencat e tij seksuale ndaj gjinisë së njëjtë.
